إنسى إن حد يعرف يشتغلك بأرقام غريبة

بسم الله الرحمن الرحيم

السلام عليكم ورحمة الله وبركاته

إزيكو ياشباب عاملين إيه.كل سنة وإنتو طيبين

إلنهارده جايبلكم حاجة نونو كدا على ما قوسم
ندخل ف الموضوع
(ولا حضراتكم عايزيني أسلم عليكم طول التوبيك.دا كتر السلام يقل المعرفة)هاهاهاهاها وربنا بحبكم

نبدأ ع بركة الله
إلنهارده جايبلكم حته موقع جامد طحن

واي رقم غريب هيرن عليك ويشتغلك هتعرفه مين وتجيبه من قفاه
‏(شباب إيجي تريك ماحدش يقدر يشتغله)

بصوا ياشباب الشرح كالتالي

تو ماهتغط ع لينك الموقع هيفتحلك الصفحة دي
دا لو كنت فاتح من نت كمبيوتر فهيكون شكلها ذي الصورة أما لو نت موبيل فهيكون ع أصغر شوية
وادي شكل الصفحة
[وحدهم المديرون لديهم صلاحيات معاينة هذا الرابط]
ذي الصورة كدا ف المربع تكتب الرقم بس متنساش تكتب ف بدايته 2+ وتكمل بقى الرقم 010او011 او012 إلخ
بعد ما تكتب الرقم تدوس ذي الصورة ع كلمة إنترناشونال

بعد ماهدوس إنترناشونال هتظهرلك صفحة بيانات الرقم (معلوماته) وكدا قشطة

[وحدهم المديرون لديهم صلاحيات معاينة هذا الرابط]

المهم بقى عشان تحدد الرقم دا صاحبه ف اي حته عشان تجيبه من قفاه
دوس ع كلمة maps

هتظهرلك خريطة مكانه بالظبط ‏/ف اي شارع ف اي مدينة ف اي محافظة

وكدا تمام التمام
إتفضلوا رابط الموقع

[وحدهم المديرون لديهم صلاحيات معاينة هذا الرابط]

بس ماتنسوش بقى التقييم بتاعي

نهاية
للأمانة الموضوع إل منقول فيه الفكرة والصور وبس من موقع مش مصري بس الشرح
والتعليق بتاعي(لاحظوا إنه بيشرح ع شبكة جوالي السعودية وانا بشرح ع شبكات
مصر)
ودا للأهمية ليكو
‏(مع ملاحظة إن ناشر الموضوع لم يكتب فيه ممنوع النقل إلخ)

أشوفكم ف موضوع تاني ياشباب

------------------------